Kae

Erregeak datoz!!!

2012-01-05T01:41:00.000-08:00

Trakatan, trakatan
hiru errege,
trakatan, trakatan,
Belenera,
Belenen jaio den
Jesus haurtxoa
trakatan, trakatan
agurtzera.

Meltxorrek, trakatan,
zaldia beltza,
Gasparrek trakatan,
zaldi gorri,
trakatan, trakatan,
Baltasar zaharrak
zaldia, trakatan,
zuri-zuri.

Joan da gure Pepe

2012-01-03T01:18:00.000-08:00

Aldi baterako etorri jakuna
joan egin jaku gaur , betiko
Apurtxoa laguntzen hurreratu zana
bere osotasuna itzi deusku .

Irribarre bat gehiago eskatzeko
adiskidetasun keinuak ahalegin berriak exijitzeko...

Aldi baterako etorri jakun,
betiko geratu zan.
Apur batean ikusi genduan,
Bizitza osorako ezagutu dogu.

Agur Pepe
Adeu
Eskerrik Asko
Moltes Gràcies

Gau on

2011-12-19T02:20:00.000-08:00

Eserita aurkituko nauzu
ikustezin bihurtu zaizkizunen ondoan;
irribarre zabala erakutsiko dot
zuk begietako malkoez besterik ohartu arren.

Egun argia izango da niretzat
zuk gaba beltza ikusiko dozun unean;
erdu geure ondora! ahozkatuko dozu
hemen nago! oihu egiten deutsudala entzun barik.

Gau on opatuko deutsut
Zuk eguna buruan dozunean.

lainoa ezkerreko begian

2011-11-03T04:08:00.000-07:00

Eskumako begia zabaldu dot
ezkerrekoa ezin
lainoa
laino
zuri
lodi
potoloak malkoak isurtzeko zulotxotik
sartu
barneratu
geratu
jat.
Malkoak lainoaren lagun egin dira.

Ate kolpe batez

2011-09-28T02:54:00.001-07:00

Ate kolpe batez
Ixten dira ahoak
Isiltzen dira ateak
Mozten dira gogoak
Errausten dira hegoak

Zabal ditzagun hegoak
Oihukatu gogoak
Zabaldu ateak
Piztu ahoak

Lagun hori......

uda bat odolbildu

2011-08-28T06:08:00.000-07:00

Eguzkiak uda aldiko lehen urtenaldietako bat egin ebanean hondartzara joan ginan eta eskumako eskuko hatz txikia harrapatu neban autoko ateagaz. Lehen orduetako min jasangaitzaren ostean odolbildua izan da une hartatik geratu izan jatan gauza bakarra.
Eta hara! , odolbildua izan da aurtengo uda honetako elementurik finkoena. Herriko jaietara eroan neban sorburutik urten barri egoanean, Euskal Herriko punta batetik besterako bideak egin dauz azazkalaren erdigunea panpox eta harro hartu izan dauzan egunotan eta San Bartolomeko " aste nagusia " bizi izan dau bere bizitzaren azkenera heldu dala dakienaren modura.
Gaur arratsaldean ebagi behar dot azazkal zati ubeldua. Udak bere onenak emon dauz eta hala gertatu jako be, aldi honetan lagun izan dodan odol tanta honeri.

harri eta lur

2011-07-26T04:35:00.000-07:00

ostiral mamitsua egiteko errezeta

2011-07-08T03:54:00.000-07:00

Goizaldeko ihintza garbia
hamaiketakoan lagunari ostutako irribarrea
eguerdiko eguzki-papurrak
hurbil dodazan atseden orduen zantzua

Osagai guztiak lapiko txikian jarri eta bazkalosteko lo kuluxkak irauten dauan bitartean beratzen itzi ondoren, su handitan jarri eta bor-borrera heltzen danean, lapikokoa burutik behera bota eta gorputzari astindu bat emon.

pd: asteburu osoan iraungo dau.......

erreza balitz............

2011-07-01T04:43:00.000-07:00

erabagia hartu behar dot
ez da erreza
buruak egin deust pot
mami traketsa
argia ikusiko baneu
kanpoan pereza
errezetan jarri beharko dot
izan arte abadesa

David eta Goliath

2011-06-27T03:21:00.001-07:00

Kondairak dino David mutiko adinez gazte, tamainuz txiki baina buruz argiak harri txiki eta arin batez , Goliath adin nagusi gorputz handi eta buruz eskasa garaitu ebala. Gura beste parekotasun egin daikeguz andrak eta gizonak pertsonai honeekaz alderatzen hasten bagara, baina ez naz horretan hasiko , mila milioi David eta Goliath andrazko zein gizonezko, ahul eta indartsu, buru argi eta baldar, zahar zein gazte urtengo litzatekeezalako. Pertsona beste......
Neurri, izaera, izate, ezaugarri eta adin guztietako andra eta gizonok osatzen dogu gizateria . Danak pertsonak izanda be, urteak daroaguz emakume eta gizonen arteko auziagaz. Urteak dira eta ez mendeak, orain dala hainbat urtera arte emakumea gizonaren menpeko azpi generotzat hartzen zalako . Gizon baten saihets hazurretik sortu ei eban gizonezko jainko batek . Nork bere buruaren jabe izatearen eraginez izaten dan indarrik barik Emakumeak beste botere ez hain ikusgarriak garatzeko derrigorra eta beharrizana ikusi eban.

Emakumea bere buruaz ohartu zanean hasi ziran iskanbila eta zaparradak, agintea daukanak ez daualako agintea partekatutea atsegin eta derrigorrezko ikusten dau beretzat jo izan dauana defendatzeko borroka.
Borroka, heldu naz bada nire diskurtsoaren muinera. Urliak burua altxatu bezain pronto, Sandiak mailuagaz emoten deutso makurrarazoteko. Lehenak orduan , kolpeari kolpez erantzuten deutso beste defentsarik ikusten ez daualako .Holan hasi dira borroka guztiak , ume koskorren artekoak eta guda mundialak eta inter-estelarrak.

Baina, zer gertatuko da Urliaren irainari estoizismoz erantzuten badeutsagu? . Iraina eta hurkoa desorekatzea arma gisa erabiltera ohituta dagoanak ez ditu bere armak hain erraz baztertzen eta ez da samurra erantzun barik aurrean dogunaren erasoa jasaten dauanaren tokian egotea.

Hona hemen bada ahula eta indartsuaren artekoa, eta ugariak izan ohi dira ahultasun eta indartsu izateko gaitasun horreek. Ezagun dodaz nik gorputz makalean gorpuztutako indar paregabea eta kristolango gorputz zatian pertsona ahul eta ezebeza . Ganera, ahula ez beti izaten erasoa jasaten dauana, baizik eta arerio joten dauanaren indarrak bildurtuta, desorekatzen saiatzen dala, eta beraz erasoari ekiten deutsona.

Baina, zer egin ondokoaren edo aurrekoaren hitz edo gogoan erasotzeko asmoa antzeman dodanean? Hor bai behar dala egoerak eskatzen dauan erantzun egokia , baina momentuz puntutxoak baino ez dodaz idatziko....................................................................

geroko

2011-05-31T03:57:00.000-07:00

Gauzak geroko izteak arrisku galantak dakarz geroko hori inoizko bilakatzen dalako. Eta hori pasetan jaku (jat) derrigorrezkoak ez direnakaz, blog honetan idaztea dan moduan....
Horregatik pentsatu dot ideia " xelebrerik" ezean be idazten hasi behar dodala eta hizkiak eta hitzak pilotuten hasten jatazanean etorriko dala inspirazinoa harrizko horma bihurtu jatan txatal zuri hau betetzea lortu daidan....
Egia esan .....ondo pentsatuta, bitxia da esaldi bat hasteko modu hau, ezin dalako bestela izan , eta gezurretan hasiko banintz ipuina osatuko neuke eta ez nintzake buruari hazka hasiko gai mamitsu eta interesgarria ataratzeko ardura honegaz.
Beno, harira..... azken hauteskundeetako datu mozkorraldiaren ajeak pasatzen hasi jataz eta neure errealidade barrirako bidea egiten hasi naz. Ardura batzuk ganetik kenduta, beste batzuk hatzamar artetik jausi jataz eta buruan daukadaz oraindik azken zortzi urteotako egutegia antolatu deustien hitzorduak. Ez dodaz guztiz ezabatuko, neurri batean neure barruko bio-erritmoetako egutegia osatzen dabelako. Aurrerantzean be, ezin izango naz bizi uztailaren 25an gure aitite eta amamei eskerrik asko esan barik, azaroaren 25ean genero bortxakeriari EZ borobil irmo eta zalantza bakoa esan barik, martxoaren 8an emakume guztiei " onenak zarie" esan barik, maiatzaren 28an emakumeen osasuna aldarrikatu barik eta gabonetan gure zentroko neska-mutil guztiei opari txikiagaz doan maitasun handia eskaini barik.

lainoa

2011-04-11T03:46:00.000-07:00

Lainotuta altxatu naz gaur

behe lainoa bihotzean

kotoizko lainoa begietan

ekaitza dakarren laino baltza oinetan

gosari mingotsa

2011-03-28T08:28:00.000-07:00

Gaurkoan, kafesne eta zerealekaz batera, albiste txarra gosaldu dot. Ez zan nire asmoa baina platerean jarrita aurkitu dot, izan daitekean zoririk txarrenak ekarrita. Esnearen gozoa mingostu egin jat. Hamabi urte izango ete dira? Ba, orain dala hilabete batzuk ikusi neban eta bardin-bardin egoan eta Eusko Legebiltzarrerako Hauteskunde kanpainan ezagutu neban neskatila alai,pinpirin ule hori graxioxa bera zan. Orduan be, denbora luzean kalera urten barik dagoenak leiho bat zabaltzean hartzen dauan arnasaldi fresko eta gozoa bailitzan hartu nebazan beragaz konpartitu nebazan denborak. Ez neban ondo ezagutzen, ez ninduen ondo ezagutzen, gure artekoak beti izan dira arinak............baina beti freskagarri eta atseginak. Asteburua burukomin ,ardura eta lanetan murgilduta emon dot , gauza guztien ganetik dagoanari behar besteko aprezioa erakutsi barik. Damu dodaz orain lelokeriengatik alperrik galdutakoak eta burugogorkeriak. Abertzale,jelkide,lagun bat gitxiago dogu lurrean, jagole bat gehiago zeruan. Agur eta ohore panpoxa!!!!!!

Hodeian bizi naz

2011-03-21T05:53:00.000-07:00

Hausnarketarik argienak egunerokotasunik lau eta zapalenean otuten jataz eta lankideari asteleheneko barrea eragin deutson " okurrentzia" lerro honeetan islatzea pentsatu dot.

Aspalditik bizi naz ni hodeietan, eta egia esan, egunero emoten dodaz hodei hori nire etxeko hirugarren gela bihurtzeko urratsak, aste barruko egunetan egongela baino gehiago erabiltzen dodalako. Lanaren emoitzaren zati handi bat hodeian dago eta hodei artean bilatzen dodaz lanaren nekeak arintzeko aisialdiak. Hemengo eta hango gauzetaz hodeietan kulunkatuta jarduten dot eta kolore guztietako hodeietatik edaten dot egunero ikasi behar ei dan hori neureganatzeko.

Sarea botaten dot hodei artean behar dodazan gauzarik gehienak erosteko. Jatekoak ez dodaz modu horretan " oraindik" erosten,etxe azpiko fruta dendako neskekaz ,E hizkiz hasten dan auzoko dendako lagunekaz eta auzoko harakin "graziosoagaz" dodazan hiztetaldiek neuronak arintzen laguntzen deustiezalako eta kanpoko eta etxeko jarduna bereizten eta ondo kokatzeko modua dalako.

Hodeian bizi naz bestela, eta haragi-hazurrezko gorputz honeetatik urtetan naz ni neu nazen izakiak emon daizan hodei batetik besterako urratsa eta batzuetan jauzia. Pentsamendu eta usteak neuretzat gorde edo ahoz esan beharrean hodei artean zabaltzen dodaz ,hodeietako lagunak dodaz eta hodeietan emoten dodaz haragizko lagunarekin partekatzen dodazan unerik gehienak.

Inoiz entzun izan dot hodeietan bizi nazela............ baina ez, hodei artean bai, baina ez hodeietan...........

Eguen Zuri

2011-03-03T02:11:00.000-08:00

Ondo dagoz inauteriak, eta gaur dan Eguen Zuri be bada Euskal Herriko inauteri barruko zeozer. Hainbat ikastoletako umeek gaur egunari " berea" emoteko egingo dabe " basokoipetsu" edo "txitxiburduntzi"

Hautua

2011-02-28T02:29:00.000-08:00

Begia zabaldu baino lehen egin behar izaten dot eguneroko lehen hautua, betazalak altzatzeko ahalegina egiteko, horretarako borondatea beharrezko egiten jatalako.
Kontua da , gure bizitzako hauturik gehienak " automatikoki" egiten doguzala . Egun batean egin genduzan eta ordutik aurrera ez deutsogu geure buruari " beste aukeran " pentsatzeko denborarik emon.
Begiak zabaldu ( ala ez),goizeroko hurrengo gauzak egin ( ala ez),aurrerako pausu bat emon (ala ez), autobuserako ilaran ondokoagaz berba egin (ala ez) eta jakina, hitzegiteko gaia aukeratu......
Dana da zeozer aukeratzea, eta gauza bat lehenesten dogunean pareko izan daitekezan beste batzuk bigarren edo hirugarren tokian jartzen doguz.
Hautua da " egun on " edo beste hizkuntza bateko zeozer esatea, aukeraketa bat da " hotz da" ala adierazpena beste hizkuntza batean egitea. Pertsona elebidun edo eleanitzarentzat, hautua da beti komunikatzeko eta adierazteko hizkuntza bat ala beste hartzea.
Zapatuan buruan ondo jantzita dauan bateri entzun neutson euskarak borondatea behar dauala, eta nik horreri erantsiko neuskio euskarak beharrezko dauala bere aldeko hautua egitea,euskara ez daitela izan elebidun egiten gaituen hizkuntza , arnasa hartzeko beharrezko egiten jakun auspoa baino

Grisa

2011-02-25T23:14:00.001-08:00

Koloreetan apalena grisa
Sentipenetan oldarkorrena tristura
Lainorik estalkorrena
Laguna

20110216 Zornotza Ana Madariaga

2011-02-16T14:33:00.000-08:00

110216 Zornotza David Latxaga

2011-02-16T13:53:00.000-08:00

ehun

2011-02-14T08:48:00.000-08:00

Ehun kilometrotara
ezin ditut entzun
uso mezularien bidez bidaltzen dizkidazun doinuak

Ehun metrotara
ikustezin ditut
Txingudin biltzen dizkidazun liliak

Ehun dezimetrotara
ez ditut adituko
bularretik irteteko duzun bihotzaren taupadak

Ehun zentimetrotara izaterik ez zaitudalako, ezinago bihurtuko zait ehun milimetro ezabatzeko egin nahiko nukeen jauzia

A cien kilómetros
no puedo escuchar los sonidos que envías en palomas mensajeras

A cien metros
me resultan invisibles las flores de Txingudi

A cien decímetros
no podré sentir los latidos de un corazón

Ya que no puedo estar a cien centímetros, me resulta mas que imposible dar que salto que quisiera para eliminar cien milímetros

Sortu, berba polita

2011-02-10T04:00:00.000-08:00

Oso gustuko dot " sortu " berba. Sorreraz pentsatzean, gogora etorten jataz siku itxurea daben arboletatik bat batean urtetan hasten diran hosto berdeak, udabarrian bedarretik egun batetik bestera urtetan diran txibiritak, ume bat jaiotzean izaten dodazan sentimenduak, pertsona bat ezagutzean eragiten dan harreman barria...

Gogoko dodaz sortu horregaz batera datozen jaio, egin,asmatu,bururatu, asmatu, ernatu ; eta horreen kontrakoak ez dodaz ikusi bere egin nahi.

Baina hitza, jantzia baino ez da, arima bizia izan behar litzatekeenaren azala.
Sortu, izan daitela, egin bei

B hizkiz hasten dan hitz hori........

2011-02-08T01:29:00.000-08:00

Negu gogorrak jolastordu batzuk emoten deuskuz batzuetan, eta udabarrian etorriko jakun eguzkia erakusten deusku.

Holangoetan, eguerdiko ibilaldia egiterako orduan, buru makur eta arin ibili beharrean, gora begira ibilten naz Gran Viako arbolen adarrei begira, lehen kimu txikiak noz agertuko zain.

Atzo, eguerdiko epeltasunak animatuta, une batez geratu nintzan , eserleku sikuan jarri eta ikusteko betaurrekoak jantzi nebazan hilda moduan agertzen jakuzan adarroi begiratu bat botatzeko. Ez neban berderik ikusi, ezta kimu txikienik ere ez .

Baina, arpegiko begiekaz ikusten ez dan zeozer sentidu neban, sostengatzen gaituen lur honen erraietatik sortu dan eta adar sikuak zeharkatu gurean dabilen berde oraindik ahul baina gogotsu eta tinkoa.

Kimu horren zain nago ni, b hizkiz hasten dan horren zain, eta neguko jolastordua baino, danontzako udabarri amaibakoa izatea gurako neuke.

Agate Deuna Zornotzan

2011-02-06T12:09:00.000-08:00

lur honetan dodazan erroak gero eta sakonago.......

2011-02-02T03:14:00.000-08:00

Kandelario lario hatxari ura dario..........
Ez dot pentsetan Amaia Zubiriak hau abestean euskal tradizinoari hain lotutan dagoan fedeari edo sinesmen elizkoiari lotu danik. Antzera gertatzen jat niri, gero eta sinesbakoago egiten nazen arren , gero eta lotuago sentitzen naz betidanik inguratu naben ohitura,tradizino eta gauzetara, nahiz eta tradizinorik gehienak hain urrun sentitzen dodan sinesmenetik etorri.
Zezeila/otsailaren 2a da gaur, kandelario eguna. Goizean ez dogu hitz egiteko denborarik izan baina seguru ama elizara joan dala kandela bete poltsarekin. Beno, agian poltsa betea ez........baina baten bat bai eroango eban aspaldiko partez auzoan ugaritu jakuzan argindar bako denboretan , sikeran argizarizko lanparatxuren bat izateko.

Kandelario gaur eta bihar San Blas. San Blas hariak, eukalipto karameluak, txokolatea, txikilin gailetak........ plastikozko boltsan sartu eta hala! barriro gauzak bedeinkatzera joango jakuz lehen ama eta orain amamatuta bizi diran andrak.Bilbon taberna batzuetan eskaintzen dabez hari bedeinkatuok. Baina, nork bedeinkatu ditu horreek? zer jainkok? Bacok agian?

Beno, bardin da, kontua da ez dakit zenbat egunetan eroan behar dala hari hori saman. Beti galdetzen dot eta beti ahazten jat. Erre egin behar ei da, baina nik batzuetan mantentzen dot maiatzera arte eta bestetan dutxan ahaztuta izten dot hurrengo gabonak heldu arte.

Eta, ez daigun ahaztu! Barikuan toketan jaku Santa Ageda bezpera. Zentzu handirik ez dauka erromatarren garaian torturatua izan zan andra italiar baten istorioa Euskal Herrian gogoratzea, baina tira, hori be elizak ekarri eta berton errotu da Ageda Arratiako, Goierriko , Aialako edo Urbasako neskatoa izan bazan moduan.

jasangarria ala iraunkorra? Euskarak ezaugarri biak eta gehiago ditu

2011-01-27T02:59:00.000-08:00

Modan jarri da gaztelaniaz " sostenible " berba diskurtso guztietan sartzea. Hitz hori erabiltea ondo dago, baina gurako neuke nik benetako esangura aztertzea. Batzuetan pentsetan dot hitz hori erabiltzen dabenek ez dakiela zer esan gura dauan.

Sostenible, que se puede sostener o mantener....... baina sostenible non? sostenible denboran akaso? sostenible gizarteak jasan ahal daualako?

Garapen " sostenible" aitatzen dogunean, " jasangarria" esan gura dogu ala " iraunkorra"? Zer bilatzen ete dogu? Denbora luzean irautea eta iraunkorra izatea ala gizartearen garapenean sufrimendurik barik mantendu ala izatea eta beraz jasangarria izatea? Bi kontzeptu ezbardin dira gaztelaniazko hitz bakar batean borobiltzen diranak. Gauzak argi eta garbi ez esatearrren,akaso?

Euskararen Aholku Batzordearen oraingo buruak esaten dau euskara baserritarren hizkuntza dala, hasierakoa, oinarrizko gauzetarako balio ez dauana. Bere " bizar guztiagaz" baieztatzen dau hori, eta baten baino gehiago errepikatu dau zalantza guztiak argi geratu daitezan. Ba beitu, hizkuntza xume eta gehiegitan gutxietsiak holango milaka ñabardura izan baditu.....

Errepublika garai haretan Euskara baserrietatik urtetan eta eskola batzuetan sartzen hasi zanean, batzuek gerra eragin eben eta horren osteko 40 urteko errepresinoak hasierako kimuak ezabatu zituen.

Hori bizi izan dogun arren, euskarak jauzi ikaragarria emon dau 35 urteotan, eta orain munduko beste hizkuntzen parean dago. Pentsatu apur batean, errepresinorik barik non egongo zan.....

ur hotzetan

2011-01-26T02:53:00.000-08:00

ukitua
hondoratua
txof
ur harro bortitz hotzetan murgiltzen naz eta gorputzak begiak itxita erantzuten deusten arren, ur azpian arnasa hartzerik ez dodala konturatzen naz.
Gora egiteko indarrik ez dagoen nonbaitetik atara eta eup!
aaaaaaaaaaaaaaaaaahhhhhhhhhhhh lehen arnasak birikiak bete eta erre egiten deustez
igerian egin beharko lurrera iritsi gura badot, marinela dago nire zain

tocada
hundida
txof
me sumerjo en aguas frias,violentas y orgullosas, y aunque mi cuerpo responde cerrando los ojos, entiendo que bajo el agua, no puedo respirar
Saco de donde no hay , la fuerza para subir eup!
ahhhhhhhhhhhhhhhh mi primera inspiración llena y quema mis pulmones
tendre que nadar si quiero llegar a tierra, el marinero me espera

Gizarte Sareak

2011-01-21T03:16:00.001-08:00

Gizarte Sareak ekarri ebazan gogora atzo Juan Mari Aburto Bizkaiko Foru ALdundiko Gizarte Ongizate Sailaren arduradun nagusiak Zornotzan XXI. mendeko gizarte politiken inguruan emon eban hitzaldian.
" Gizarte Sareak aipatu nahi ditut, baina Facebook, tuenti eta holakoak baino lehenagokoak diren gizarte sareak"
Ahazteko bidean ditugun gizarte sareak, umeak eskolatik hartzen deutsuzan auzokoak, lanera zoazenean amamari " begiratutxo" bat botatzen deutson laguna, eskatzean konponketa batzuk egin behar dozuzanean, bere etxean bazkaria prestatzeko eta jateko tokia emoten deutsun laguna...................
Horreek danak ez ebazan berak aitatu, baina gogora ekarri gura izan dodaz. Neure burutik hasita, galtzeko bidean ( edo neure kasuan bezala, guztiz galduta) doguz bizitza alkarlanean egiteko genduan modu ha. Egun osoa etxetik kanpo emoten dogu eta etxera heltzen garenean zuloan sartzen gara eta lanak edo erosketak egiteko baino ez gara urtetan, barriro etxe zuloan sartzeko.........
Eta ez da hain denbora luzea igaro. Gogoan dot neure ume aroko baserriko lanak zelan egiten ziran. Gaur egiten ziran albokoen bedar-lanak eta hurrengo egunean etxekoak. Auzoko jaiak bakotxak bere etxean ospatzen ebazan, baina bazkal osteko kartaldia danak batera.
Aburtok gizarte sareez berba egin euskun Gizarte Ongizateak " familia zabala" dan gizarte sarea babesteko egin gura dauan lana azaltzeko. Sare honeek desegituratzeko behin betiko bidea hartzen badabe gizarte osoa desegituratuko da, " gizarte modernoetan" gertatzen dan moduan, non bakotxak bere inguru hurbilari baino begiratzen ez deutson.
Benetan gura dogu hori? Ez al da, betidanik ezagutu izan dogun gizarte paradigma hori berreskuratzen hasteko garaia? Ez al da, gizartea danon artean egiten dogula konturatzeko garaia?

Jolastordua

2011-01-13T06:09:00.001-08:00

Orain arteko negu baltzak egun batzuetarako iragarri dau jolastordua, eta hotza eta hezetasuna nagusi izan ohi diran aldian , hemen gagoz zuhaitzetako adar sikuen artean agertzen jakun eguerdiko eguzki garbi , irribarretsu potoloari begira

Bidean ete da?

2011-01-10T03:01:00.001-08:00

Gabon aldia igaro egin da eta urtarrilaren erdira sartzeko atarian gagozala, hor doguz ia begibistan otsaileko santa ageda eta holangoak.......
Beno, gabonak igaro dira eta herri honetako lurra zainetan,bihotzarren sakontasunean eta gure sen osoan gordetan dogunok aditu batzuen esanetan bidean datorren behin betiko bake adierazpen "bedeinkatua" noz etorriko zain igaro doguz.
"Gaur ez da izan , bihar agian....." esan dogu hainbatetan eta beti itsasotik bueltan ez datorren semearen zain dagoen amaren antzera. "Gaur be ez da izan, baina bihar akaso....."
Bakea ezin da baldintzatu, ezin da " pisura" saldu, ezin da neurtu edo zatikatu. Ezin dogu " apur bat" eskatu edo emon. Bakea osokoa da eta oso-osoan emon behar da, eskaini, eskuak zabalik, nork bere bihotza emoten dauan moduan.
Eta danok, bake zalantza bako eta osokoa aurrean dogunean, jezar gaitezan borobilean eta begietara begiratu daiogun alkarreri. Asko dogu egiteko.

mirariak

2010-12-29T06:21:00.000-08:00

Gabonak bitarteko garaiak arraroak dira oso, edo behintzat, arraro iruditzen jataz niri. Sinesten ez doguzan gauzak ospatzen doguz, gure talde irudimenak ( edo behar bada, egunerokotasunean zeozer zirraragarri sartu behar dogulako) sortutako pertsonaiak familikide egiten doguz eta hareen izenean etxeak opariz betetan doguz.
Bitxiak dira gabonak, urte beteko etsipena itxaropen bihurtzen da . Neuk be aitortu behar dot "miraria" eskatzen deutsedala, urtero Bilboko Gran Via kaletik etorten jakuzan errege magoei. Gero, jakina, miraria nik neuk egin ezean, ez da gertatzen..................
Baina batzuetan, kasualitatea, zori ona edo dana dalakoa mirariz jantzita agertzen jaku, eta esan behar dot holangoetan " miraria! miraria! aldarria argi eta ozen esatea gustuko dodala. Ibai izeneko txiki bateri gabon aldian etorri jako behar beharrezko izan dauan oparia.
Olentzero izan ete da, ala beste "sozioen" laguntasunagaz egin ete dau?

Bakea eta Zoriona

2010-12-22T01:32:00.001-08:00

Arrapaladan helduko naz
zapatak kentzeko astirik barik
arnas-estuka
aurpegia hotzak gorrituta

Amamaren mahaian jarriko naz
etxeko nagusia faltan
danak etxean dagozala konturatu eta
kopa altxatuko dot ozen eta garbi esateko :

Joandakoak gogoan, datorren urtean gehiago izan gaitezala, eta ez gitxiago

Bihotz-bihotzez, fede gabe batek izan daiken indar guztiagaz :Zoriona eta Bakea guztiontzat.

Llegaré corriendo

sin tiempo de descalzarme

mi respiración entrecortada

y roja mi cara por el frío

Me sentaré a la mesa de ama

en la que falta el señor de la casa

comprobaré que estamos todos para decir alto y claro:

Tengo en mi pensamiento a todos los que se nos han ido y deseo que el año que viene seamos mas, nunca uno menos

De todo corazón, con toda la fuerza que le queda a alguien que perdió la fe.

Paz y Felicidad para todos

berbarik gabe

2010-12-20T06:44:00.000-08:00

Berbarik gabe nabil aspaldian, olentzeroren astoak bedar sikua diralakoan janda, edo nire ardurabakokeriagaitik galdu egin dodazalako.
Berbarik gabe nabil eta barruan dot morokilaren antzean sortu jatan barruko marapila. Ideiak pilotu jataz, goizeko tristuraz busti eta ore gordin gordina egiten itzi dodalako
Berbarik gabe nabil aspaldian

Bakuganak,ipuinak, perfumeak............

2010-12-16T02:55:00.000-08:00

Olentzero maitea:

Semeak esan deust azken urteotako gutunak berak idatzi dauzala eta aurtengoa nik neuk egin beharko dodala . Hona hemen ba nire gutuna:

Aspaldi honetan nahiko modernizatuta ikusten zaitut, eta jakin dot mendi tontorreko baserrira adsl-a eroan dozula. Horregaitik, papera eta arkatza hartu beharrean, gurariak mezu honen bidez adieraztea pentsatu dot.

Semearen partez, bakuganak, koloretako arkatzak, legoak eta ordularia eskatu behar deutsudaz. Nik gauza bakarra eskatzea esan deutsot, baina tematuta dago eta " ama, lau ez da asko" erantzun deust. Bere iritziagaz itzi dot eta " beno, Olentzerok erabakiko dau" berbakaz erantzun deutsot. Azken finean, inork baino hobeto dakizu zer dan bakotxak behar eta merezi dauana, ezta?

Amarentzat perfumea eta arropa politen bat eskatu gura deutsudaz. Ondo baino hobeto ezagutzen dozu andratxu hori eta badakizu alaba eta ilobentzako gauzentzat gastatuko dauala berak, eta txakur txikirik ez bere gustuko gauzetan. Hori, ez dago aldatzerik.

Etxeko txikienentzat jostailu bardin-bardinak. Handienak Anderren gauzak gura dauz eta txikienak bere anaiaren gauza ber-berak. Ez dogu gabonetan " txikien arteko guda mundiala" eragin gura, eta horregaz danak pozik eta baketsu.

Gure neskatila panpoxarentzat , are panpoxago eta politago egoteko zeozer. Baserritarra izanda be, jakin badakit horrelako gauzetan aditua zareala. Zure esku.....

Aizta eta koinatuentzat; ba, zer esango deutsut? euren gustuko zeozer. Ezagutzen dozuz ondo. Neure partetik, bakea, zoriona eta bizitza ona eskatzen deutsut guztiontzako.

Eta niretzat, gauza berezia eskatu gura deutsut. Oso berezia............

Eskailera luuuuuuuuuze luzea behar dot Olentzero jauna,egur sendoenagaz egina ( ez bainaz ez argala ezta arina be) . Zerurainoko luzera behar dot, eguneroko pentsamenduetan gordeta dodana gauza batzuk entzun barik joan jatan eta gauzok ezin dodaz gehiago gorde.
Jakin badakit lanpetuta ibiliko zarela eta berandu nabilela , horreek gauza handiak lehenagotik eskatu behar diralako. Baina, ahalegintxoa egingo bazendu, nik biziki eskertuko neutsun.

Honenbestez ba nire aurtengo eskutitza Olentzero maitea
Nire eskariei ahal dozun moduan erantzuna emongo deutsezulakoan, Gabon Gau ederra opa deutsut.

karmele

pd: jatekoa eta edatekoa izango dozue etxean astoak eta biok

Urdintasuna

2010-11-17T08:38:00.001-08:00

Burua urdintzeko bidean dagoan arren
Zeruak urdinaren ildo zabala
Erakutsi deustan arren

Buruan
Laino zuriak agertu diran arren
Bekainen balztasuna azalaren arrakaletatik igarotzen hasia dan arren

Biotzean gorria dot
Buruan berdea
Eta
Eskuetan
Asaben usoaren zuria

Aunque empiezo a encanecer
Y el cielo
va mostrandome su ancha entrada

Aunque en mi ánimo
haya aparecido la neblina
y la negrura vaya traspasando las grietas de mi piel

LLevo la el rojo en mi corazón
el verde en el entendimiento
y entre los dedos
la blancura de mis ancestros

Ez dago biderik

2010-11-12T01:40:00.000-08:00

Machadok esan eban baten biderik ez dagoala eta inork jakin barik geratu bazan, gerotxoago etorri zan Serrat bidea urratsez urrats egiten dala gogoratzeko. Orain arte egindakoa gordetako dago eta behar bada zeozer ikasteko be, baina atzekoari begiratzeak ez dau ekarten etekin handirik. Aurrean guztiz egin barik dogu bidea eta segundu bakotxean erabagi behar dogu zelangoa izango dan. Bidea egiteko Jartzen doguzan gaiak zapaltzen joan behar doguz eta aldi berean barriak jarri gure bidea egiteko. Batzutan jartzen doguz harri sendoak , bestetan babestuko gaituen egurra eta gehiegitan bidea zuloz eta apurketez beteko deuskun lastoa.

Eta orain, zer jarriko dot zoruan hurrengo urratsa emoteko? Uste dot zentzuzkoena dala sinesmen, maitasun eta lasaitasunez egindako harri zabal eta sendoa jarriko dodala. Gaur koloreak bardin deust, baina aukeran......... berdea.

Machado se atrevió a decir que no existe camino y si alguien no se enteró del mensaje , hace unos añitos vino Serrat a recordarnos que el camino se hace al andar. Lo hecho hasta el momento no sirve para demasiado, si acaso para guardarlo y aprender algo. Tenemos ante nosotros un terreno completamente inexplorado y aunque no lo percibamos de esa manera, vamos construyendo y pisando casi a la vez. Y , en esa labor, vamos utilizando a veces resistente piedra, cálida madera y en demasiadas ocasiones frágil paja que se quiebra y va jalonando el camino de vacíos, rupturas y desengaños.

Tengo que decidir la piedra que necesito ahora para dar un paso mas. Creo que lo mas sensato será colocar una piedra hecha de fe, amor y tranquilidad. Hoy no me preocupa demasiado el color, pero si puedo elegir.......... que sea verde.

danak dauka bere amaierea

2010-11-10T03:25:00.000-08:00

Negarretan daroadaz azken egunak. Saharan egin daben sarraskiak bihotza irauli egin deust eta ez dau gorputz barruan tokia aurkitzen. Euskadin ondo baino hobeto ezagutzen dogu Sahara aldean sentitzen dabena eta horregaitik ikusten dira hainbeste aurpegi ilun,hainbeste iruzkin triste .......... eta hasarre.

Baina, azken egunotako eguraldi zatar eta ilunak laster amaierea izango dauala ikusita ( ikusi esaten dot ze orain dala ordu beteko laino baltzak artxanda aldetik mugitzen hasiak dira eta osteko zeru urdina ikusten hasi naz), pentsatu gura dot halako egun batean itxaropena etorriko dala bakean eta bere etorkizunaren jabe izanda bizi gura dauan herriarentzat , kanpoko agintaririk barik, bortxakeriarik barik, inposaketarik barik ......................

Eta, hau dana esanda,hainbat herri daukadaz buruan eta bihotzean, klaru hitz egin dot, ezta?

Euri tantak

2010-09-30T00:56:00.001-07:00

Tanta bat jausi da zorura
Gizonak baltzez jantzitako
Lur samur, bete, emankorrera
Tanta bakarra
Ezer ez dalakoan
Laguna etorri jako

Tanta bi erori dira orduan
Gizonak gogortutako
Lur sendo, busti, abegikorrera
Tanta bi
Ezer ez direkakoan
Laguna etorri jake

Hiru tanta erori dira.........

atzo gordetakoak orain urten gura dau

2010-09-17T00:54:00.000-07:00

Atzokoan gordeta mantendu nebazan anpuluak urten dira gaur goizean, eta behar bada ez dago horretarako arrazoi handirik baina nor da bor-bor urtetan danari muga jartzeko gai?

Neu behintzat, ez.

Era bateko eta besteko bizipenak bizi ondoren, neure uste ,eritxi eta sinesmenak aztertzen dodazanean argi ikusten dot asko dirala ikusi , sentidu , entzun eta azken batean bizi egin dodanatik urtendakoak. Baina, badira gureta be ganetik kendu ezin doguna, eta hori da txikitatik edan, jan, entzun eta ikusitakoa.

Orain dala hogeita hamar urte pasatxo aitak erdi ezkutuka ikurrina txiki bat erakutsi eustanean ikasi neban horixe zala Euzkadiren bandera, nik Euzkadi zer zan be ez nekien arren.

Orain, bera eta bere aita alderdikidetu ziran batzoki zaharrari agur esatean eta gure belaunaldi barrirako egoitza barriari atea zabaltzean, multzoan etorten jataz urteotan aitarengandik jaso dodazan ikasbideak.

Oraingo lana, lekukoa etxeko txikiari emoten hastea da.

Plastikozko poltsa larrosa aldean

2010-09-16T03:28:00.000-07:00

Plastikozko poltsa larrosa sorbaldatik eskegi eta amamaren denborako moduak neureganatu nebazan atzo. Hamar mila gauza txiki eta garrantzi bako egin behar nebazan eta mutil nagusiaren besotik ebatuta jarri nintzan martxan.
Udazkena baino lehenago, balkoian jarri gura dodazan landarak aukeratu, afarirako ogia erosi, armozurako esnea, maisuak eskolarako behar dan koadernoa, sasi-larruzko gerrikoa konpontzeko albandorratza..... hamar mila gauza txiki, danak garrantzi bakoak eta danak garrantzi bizikoak egunetik egunerako pausu sasi-jauzia emon ahal izateko.
Ez da hori aparteko gauza, baina bai egiten nebazala sentidu nebana. Gauza bakotxa erosteko emon neban denborea, arreta, dedikazinoa dira orain lerro honeek idaztera ekarri nabenak, eta ez bakarrik aukeraketan jarri neban arretagaitik, baizik eta dendari bakotxagaz berbetan emon neban denboreagaitik eta harreman horregaz sortzen diran loturak estututen egin neban indarragaitik.
Amamaren moduak presaka bizi doguzan denbora honeetan.

shhhhhhhhhhhh

2010-09-10T02:01:00.000-07:00

Shhhhhhhhhhhh, es esan hemendik nabilela
Oin puntetan sartu naz, ez dot zaratarik egin gura.
Ateko kirtenari helduta atara dan zarateari esan deutsot shhhhhhhhhhhhhhhh! ixo!
Begiratu arina baino ez dot egin gura
hitzak arnastu
papera sentitu
argindarra edan
esan behar dodana amestu

Shhhhhhhhhh, banoa
ezer esan barik
giroa neureganatuta
hurrengorakoa hausnartuta
agur

Izan zaitez ZU ZEU

2010-07-19T02:08:00.000-07:00

Gaur goizean semeari esan deutsot " izan zaitez zu zeu", aspaldi honetan bere nobleziaz ( edo ontasun,sinpletasun,umetasunaz..............batek daki zer dan ) baten bat baliatzen dala ikusi izan dodalako.

Hori ekarri deust uda aldiko lanaldi murriztu honek. Arratsaldeak semearekin egoteko aukera emoten deust eta denbora partekatze honek , nigaz bizi dan gizon kumea ezagutzeko denbora daukat ( neguko kontua bestelakoa da, asteburu batzuetan baino ez gara alkarregaz egoten eta ahaztu behar aste barrukoa)
Beno, ba, joan gaitezen harira:

Agindu/gomendio/erregu modura esan deutsodanak zer pentsatu emon deust eta pentsatze honek be kezkak eta beldurrak ekarten deustez. Jaio zanetik pentsatu izan dot pertsona ona eta zoriontsua egiten lagundu gura neutsola, eta ahalegin horretan gogor egiten deutsot bide "okerra" hartzen dauala antzematen dodan momentuan. Gauzak , lekuak eta pertsonak errespetatzen erakutsi gura deutsot inguruan kontrakoa egiten daben pertsonak dagozala ikusten dogun arren.

Eta hori da kontua, moral anitzeko gizartean bizi gara , bakoitzak bere etika partikularra daualako. Niretzat ez da onargarria toki publikoak zikintzea, baina beste batentzat hori berori "bere askatasunaren parte bat da" eta " kale garbitzaileak ordaintzen dira besteok zikintzen doguna garbitzeko". Bestetik be,batzuek ez dogu biolentzia inoiz onartzen eta besteek arrazoitu egiten dabe " defentsarako bada".

Horren aurrean, semeari esan diot " izan zaitez zu zeu", baina ez al naz " izan zaitez ni neu" esaten ari?

Otso baltza

2010-07-15T04:05:00.000-07:00

Otso baltza da beldurra eta arbolaren beste aldean daukat zain, beretzako momenturik aproposenean neure ganean salto egiteko. Babes bako zelaian nago ni eta otsoari begietara begiratzea otu jat, behar bada neu be bere erasoaren zain nagoelako.
Eta, erasoaren zain egon beharrean, neu otso baltzaren gainean salto egingo baneu? zer gertatuko litzateke?

Izan

2010-06-09T01:36:00.000-07:00

Izan, egon,egin....
Beti pentsatu izan dot gauza asko nazela , Rubik Kubo famatuaren moduan hainbat alderdi,kolore eta mugimendu dauzan moduan. Eta nik, erro bakarra dodalarik, egoeraren edo beharrizanaren arabera alderdi horreek aldatu edo mugitu egiten dodazala pentsatu izan dot .
Baina, keba! gauza bat da zer zaren eta beste ezbardina, une bakotxean zer egiten dozun edo zelan mugitzen zaren. Ez dot besteetaz berba egingo, bakotxaren unibertsoa era bakar eta esklusiboan sortzen dalako; baina nire kasuan behintzat, emakumea eta ama naz; horren ganetik egiten dodana edo nagoen egoera, unean uneko inguruabarrek zehazten dabe.
Gauza asko egiten dodaz eta beti gauza gehiago egin gurean, gaixotasuna ete da hori? Bidean urrats bat emoterakoan erabiltzen dodazan tresnak eta tartetxo horren ezaugarririk nimiñoena ezagutzen dodala pentsatzen dodanean, hanka altxatzen hasten naz hurrengo pausua emon gurean, lur ezezagunean murgildu gurean, gaitasun barriak estreinatzeko gogo zirraragarriagaz.
Baina, gauza bat edo beste egin ala ez, toki batean , talde batean eta egoera batean egon zein ez egon, beti naz gauza bera, beti naz emakumea eta beti naz ama, eta hori izango naz hurrengo bizitzan beste gauza izatea tokatu arte.

buru mapak

2010-06-08T01:17:00.000-07:00

Munduko gauzarik esanguratsuenak kasualitatez aurkitzen dira. Edo, hobeto esanda, topo egiten dogu gura barik; edo holan gertatzen jat niri gehienetan.
Orain dala lau hilabete inguru edo, "mind maping" kontzeptua irakurri neban lehenengoz eta interesgarri iruditu jatan , eta batez be baliagarri, buruan dodan biltegi sasi-txukunduan modu bateko edo besteko antolamendua behar zalako.
Izena behin deskubrituta eta haritik tiratzea erabagi neban. Zer ete da hori? Wikipedia bedeinkatuan bilatu eta hortxe agertu jatan zehatz mehatz.
-Bale, orduan, kontua da ama ideia batetik semeak, alabak eta parentela guztia ataratzea, ez da?" -esan neutson egunero ispilu aurrean ikusten dodanari
Koadernoa erosi neban eta aldean daroat leku guztietara. Hamar bat " buru-mapa" egin dodaz hainbat gairen ingurukoak: lana, harremanak,ideiak,burutazioak..... Zalantza barik esan ahal dot lagungarri gertatu jatala buruko nahaspilak txukuntzeko, gauza bakotxari bere tokia emoteko,"ideia zoroei" etekina ateratzeko..........
Kasualitatea, kasualitatea...................

.....

2010-06-08T00:00:00.001-07:00

Egun bakotxean gauza bakar bat ikasten badot, urtean 365 gauza barri izango dodaz buruan

...

2010-06-04T10:25:00.001-07:00

Lainoa jarri didazue bidean
Aurrean dudana nahastuta ager dakidan

Harriak sartu dizkidazue oinetakoetan
Aurrerako urrats bakoitzak min egin diezadan

Baina, ez didazue gogoa zimurtuko
Ezta arima belztuko

Ez dago tristurarik
Ez gorroto izpirik

Ernatzen dudan hazia
Barruko asmo bizi,arin eta sendoa delako

Lainoak urtzen lagunduko dit
Harriak,
Kotoi bihurtu

Hausnarketa garaia

2010-05-18T04:44:00.001-07:00

Hausnarkor altxatu naz gaur eta goizean izan dodazan pare bat elkarrizketetan be konturatu ahal izan naz. Gaurko honetan , gizaki garen aldetik bizi dogun eboluzinoa eta gizarteak gureta edo gura barik inposatzen deuskuzan moldeen artean dagoan amildegia ibili dot dantzan nire buruan ( beno, eta oraindik be hortik dabil...)

Lankidea eta lagunaren aurrean bete betean baieztatu dot altxatu bezain pronto nire betiko borrokari ekin behar deutsodala egunero, hau da, urteotako " kutsadura etenbakoaren eraginez" garunean geratu jatana eta eboluzio zehatz bat bizi izan dauan pertsonak hotz hotzean eta hainbat hausnarketaren ostean bizitzarako ezarri dauzan legeen artean emoten dan borroka hain zuzen be.

Horixe da gakoa hain zuzen, horixe da oraindik konpondu barik dodana; batzuetan arrazoiak garaitu dauala pentsatzen dodan arren ( eta segurtasun momentu horreek geroko ahultasuna ekarten dabe batzuetan) kafearen borra baltza katiluaren eperdian geratzen dan moduan dagoz ideia, helburu eta amets zaharrak nire pentsamenduaren oinarrian.

Ez daidan borroka hori begi bistatik kendu; bestela ,galbidea.....................

Gustoko lekuan...

2010-05-13T08:07:00.000-07:00

Ez dot arineketan egin , burutik be ez jat pasatu ihes egitea. Telefono dei bat nahikoa izan da eskariari " bai, jakina" erantzuteko. Astelehenetik aurrera, euskal lagun barria izango dot, neskato gaztea oraingoa...

Hodeiak, zeruetako olatuak ote?

2010-05-12T04:07:00.000-07:00

Olatu arro bortitza murruagaz hasarratu eta borrokatzen dan moduan, hodei baltzak datoz nire arimaren kontra egiteko asmo zatarragaz

lurrikarak

2010-05-11T03:08:00.001-07:00

Oinen azpitik zorua mugitzen jatala konturatzen nazenean beldurra sentitzen dot gehienetan, baina bakan batzuetan izu sentimendu hori atomoa bailitzan isolatzea lortzen dodanean konturatu egiten naz zein erraza dan beldurraren dardara eta zorionaren barruko eztanda nahastea.
Lurrikara bedeinkatua!

barditzearen inguruan

2010-03-05T02:17:00.000-08:00

Ez naz ni bardintzearen lagun handia, berez ezbardintasunak dodaz gustuko. Bakotxa, dan modukoa da eta hori da nik gehien apreziatzen dodana.

Urte betea Euskadiko Gobernuan daroen pertsonek bardindu gura gaitue, " tabla rasa " egin eta euren espainia bat, bakar eta bardina izatea bilatzen dabe. Ezbardintasunak hazkurea emoten deutse, ezinegona, urduritasuna. Eta hori, euren zilborrari begira dagozalako, euren gauza txiki, mugatu eta bardintzaileari begira bizi diralako.

Baina beno, gaurko honetan ez naz gai horren ganean luzatuko, gaur eskubide, derrigor, aukera eta baliabide BERBERAK izatearen ganeko aldarrikapena egin gura neuke.

Eta, ez dot esan bardinak izan behar diranik, BERBERAK baino. Pertsona garean aldetik, aukera, eskubide , derrigor, baliabide eta holangoak izatekotan, berberak izan behar diralako, kontuan izan barik garrantzi bako inguruabarrak, bardin da emakumeak, gizonak,garaiak, potoloak,ile horiak, begi berdedunak, gorrak,itsuak garean; bardin da zinea , antzerkia, futbola,etxean egotea, garagardoak hartzea gustuko dogun; bardin da zirriak egiteko sexu batekoak , bestekoak ala danak gustuko doguzan.

Hori ba, martxoaren 8a da emakumearen nazinoarteko eguna. Inor ez da inoren jabe , inor ez da inor baino gehiago edo gitxiago, denok dogu EZ esateko eskubidea, edo BAI esatekoa, jakina.....

Hotz!!!!!!!!

2010-01-12T02:01:00.000-08:00

Hotz
bihotz
izotz

izoztu egin jataz gogoak, ideiak eta asmoak
tupperrean sartu nebazan atzo eta besterik barik gogortu jataz
ez naz konturatu horreek esan bako berbak modukoak dirala
ahaztu egin dot nire ahalegina erabili ezean, zerura biderako lurruna izango dala

eta orain, bidegurutzean nago
mikrouhin labean sartu ala ene begiradaren beroaz epeldu
suzko haizea emon ala bihotzaren suaz bigundu

Hotz
bihotz

kabenzotz

etxekoa txikitatik ikasi behar dalako

2009-12-11T02:26:00.000-08:00

Euskara

2009-12-03T01:34:00.000-08:00

Gaurko gizarte honetan, kausa guztiek behar dabe beren " nazioarteko eguna". Azaroaren 25ean izan zan indarkeria matxistaren kontrako eguna, abenduaren 1ean IHESaren eguna................. Gaurko honetan, abenduak 3, Euskararen nazioarteko eguna dogu eta hau be , zoritxarrez kausa izaten jarraitu behar dauanez, ba aldarrikapenerako eguna izan beharko.
Euskarak jauzi ikaragarria emon dau azken urteotan, eta hori ozen eta argi esan behar dogu danok. Arro egon behar dogu. Pozik egon behar dogu.
42 urte luze ditut eta amak euskaraz emon eustazan lehen laztanak eta lehen esnea. Lehen berbak euskeraz bota nebazan eta lotarako abestia euskeraz abesten eustan aitak; antza danez, herriko praile batek idatzitakoa zan

praka zahar txikitxu
zuloz betekoa
arkondaria bere
haren antzekoa
mendian izan arren
edurra nahikoa
hauxe da gure txikitxuk
daukan soinekoa

Baina, zer gertatu zan gero? Eskolara joan behar eta derrigorrez gaztelaniaz alfabetatua izan nintzen eta handik etorri zan galbidea.

Hainbat urte beranduago, semeari euskaraz emon neutsozan esnea, laztanak eta abestiak. Eta ikastolara joateko orduan, euskaraz alfabetatua izan da. Euskaraz ikasi dauz letrak eta zenbakiak eta matematika korapilotsua euskaraz ikasten dabil.

Jauzi handia emon dau euskarak. Baina, oraindik beste hainbat emon behar dauz. Horrek eguneroko lan etenbakoa eskatuko deusku euskaldunoi. Horregatik ospatu behar dogu ABENDUAREN 3A EUSKARAREN NAZIOARTEKO EGUNA

Barre egitekoa ala negar egitekoa?

2009-12-03T01:32:00.000-08:00

Larra gainezka

2009-11-10T02:26:00.000-08:00

Gainezka egon zan atzo Zorrontzako Joan Bateatzailearen eliza, herria Juanjo Zearretari azken agurra egiteko bildu zan udazkeneko arratsalde euritsu eta ilunean.
Hainbat gauza esan dira gizon honetaz domekan zorigaiztoko gertakaria izan zanetik. Hainbat gauza eta danak onak, danak nik errespetatzen dodazan pertsonen ahotik urtendakoak.
Eta nik? zer esan ahal dot? Bistaz eta izenez ezagutzen neban. Biak jaiotzez zorrontzarrak, biak alderdikideak, biak euskaldunak eta biak euskararen aldeko konpromiso sendoagaz..........
Baina ezin dot sakontasunean berba egin, ez nebalako sakontasunean ezagutzen. Behar bada , hitz erdiren bat egingo gendun behin Batzokian edo ekitaldiren batean alkartuko ginan. Egia esateko, ez dot ondo gogoratzen.
Baina, ondo ezagutzen ebenen hitzak irakurri dodaz eta hunkitu egin naz, negar anpuluren bat be agertu jat begian. Horregatik, berba honeek idaztea pentsatu dot.
Barriro be........zer esan ahal dot?
Juanjo Zearreta eta bere taldekoak izan dira euskera gizarteratzeko ahaleginik handiena egin dabenak. Oraingo jardunean gabilzanok eurek egindako tresnak doguz eta eurek zabaldutako bidean gagoz. Pekatua izango litzateke emon beharreko urratsak ez emotea, egin beharreko ahaleginaren aurrean makal eta beldurti agertzea.

Eskerrik asko Juanjo, bihotz-bihotzez.

2009-11-08T03:46:00.000-08:00

Alakranaren alde Bilboko manifestaldian

a ze lotsa!

2009-11-06T02:13:00.001-08:00

Lotsa emoten deust, gorritu arteko lotsa emoten deust Alakranako jendeagaz egiten dabizena. Marinel baten emaztearen berbak entzuteak negarra eragin deust eta neure okel eta zainetan sentidu dot beren mina, barruak urratzen dabezan mina.
Nik ezer egiterik ote dodan galdetu deutsot neure buruari eta pentsatu dot nire ahalegin osoagaz sikeran hareen egoera hobetzerik balego, zalantzarik barik egingo neukela.
Horregatik nabil orain idazten, berba honeek haizetik bialdu gura dodazalako Indiako itsasoan larri dagozanak eta hemen beren zain dagozanak apurtxo bat hobeto egon daitezan. Sentitzen dodan alkartasunak ezertarako balioko baleu...........

haizezko mezua bialtzen deutsut
botilan sartutakoak baino abiada handiagoa izango daualakoan
haizezko mezu epel, leun,abegikorra
alakranaren ontzi kroska jotzean
etxeratzeko haize bolada sendo eta nekaezin bihurtu daiten

2009-11-02T02:57:00.001-08:00

Azkenean negua bidean

errealitateak tristezia emoten ete deust?

2009-11-02T02:42:00.000-08:00

Zapatu gabaz, bakarrik nengoala aspaldiko parte honetan hainbestetan aipatua izan dan Agora pelikula ikustera joan nintzan. Damutu ez naz egin, baina ez jat ezer gustatu. Hainbesteko zarataren ostean egiaztatu dot diruak ez dauala dana egiten eta lan teknikoak ezin dauz konpondu gidoiaren erraietan dagozan akats larriak ( nire eritxiz, jakina)
Kontua da , nik barneratze lan sakona espero nebala eta guztiz filma amerikanoa baino ez da. Ekintzen arintasunean oinarritzen da eta bitsetan geratzen da nire ustez pertsonaia nagusiaren hausnarketari ekiteko orduan.
Beno ba....... barriro be liburuetan murgildu beharra izango da hipatia horretaz zeozer jakiteko. Azken finean gauza ona atara dot, jakinmina piztu jat eta hori asebetu arte ez naz geldituko...

mundu birtualik errealena

2009-10-04T01:16:00.000-07:00

webmaster...........neu?

2009-10-03T10:56:00.000-07:00

Murphyren legearen arabera, ezerk txarto urteteko aukera badau, hori da gertatuko dana. Eta, holangoak pasatu jataz azken bi egunotan.Baina, beno, gauza okerragoak gertatu ahal diralakoan pazientzia izango dot eta baikor mantentzen saiatuko naz.
Azkenean, webmasterrez inguratuta nago, gai honetan guztiz ezjakina nazen honek. Hamar hitzetatik bi edo hiru ulertzen dodaz baina bihar sei edo zazpi ulertuko dodazalakoan hemen nago temati.

barriro be hizkuntzak bueltan

2009-10-01T01:04:00.001-07:00

Lagun batek esaten deust zoratuta nagoala espainiako telebista kate batzuk ikusten dodazalako. Ez dot izenik emongo baina gaur goizean ikusi dot Isabel SSek parte hartzen dauan mahai ingurua eta zentzuzko gauza eskas esaten diran arren, gura izaten dot arerio politikoak esaten dauana jakin .
Barriro be hizkuntzak eta eskubideak bueltan. Espainolek esaten dabe euskara inposatu egiten dala eta espainola guztiz baztertuta dagoala estatuko erkidego batzuetan. Egia esan, nahiko nekatuta nago ni inposizio kontuaren ganeko eztabaidakaz. Ez dauke beste armarik eta ez dot denborarik horretan galduko.
Nik, hausnarketa txikia egin gura dot: Ahoa handitu egiten jake ingelesa eta frantsesa aipatzen eta gorroto itzela sentitzen dabe bertokoa dan hizkuntzaz ( euskara, catalá, galego.....). Esan egiten dabe beren umeak elebidun gura dabezala baina bestela egiten dabe. Ikusi bestela espainian zein baxua dan atzerriko hizkuntzen ezagupena.
Jaiotzez elebidun izateko aukera eder eta benetakoa galdu eta inoiz errealitate bihurtzen ez diran balizko linbo horreetan bizi dira batzuk.

oporrak ete?

2009-10-01T00:49:00.000-07:00

Arriskutsua da beti gauzak geroko iztea , ze minutuak hilabete bihurtuko dira eta batek daki gero......
Kontua da gaur goizeko albistegian entzun dodala Alonso nire " Il Cavalino Rampante" maitean egongo dala hurrengo hiru urteetan.
Aspalditik daroat beldur hori aldean eta gauzatu egin da. Lehenengo sozialistak jaurlaritzan eta orain Alonso Ferrarin. ¿Itsutu al dira gorriak? ¿ ez dabe ikusten horrek bere onenak emon dauzala?
Umorez hartuko dogu dana. Moisesek be basamortua igaro behar izan eban bilatzen eban tokira iristeko..................ez gara gitxiago izango

Negarra

2009-07-30T08:19:00.000-07:00

Oporrak hasteko modurik txarrena. Atsedenean pentsatzeko une hau emon behar dogu negarretan. Negar egiten dogu bizia modurik lotsagarrienean galdu daben bi pertsonengatik, atzean geratu diran senide eta lagunengatik.
Negar egiten dogu Euskadi gure aberriagatik be. Aberriagatik bizia emon bai, inori bizia kentzerik EZ
Negarra eta sufrimendua besterik ez dabe eragin . Horreek ez dira abertzaleak

Betiko kontua

2009-07-29T04:39:00.001-07:00

Nekatuta gagozan arren, betiko kontu honek tristura, pena, haserrea, botagurea,nekea ,amorrua sortzen deuskun arren , ezin gara isilik geratu. Bortxakeriaren aurrean isilik geratzen danak hauspoa emoten deutso bortxakeria ankerrari.
Horregatik, EZ EZ EZ EZ EZ EZ EZ EZ eta mila bider EZ
Bihotzez, solidariotasunezko besarkada zintzoa Burgoseko biktima guztiei. Un abrazo sincero lleno de solidaridad y apoyo a todos los afectados por el atentado de Burgos

asabak omentzeko

2009-07-27T04:10:00.000-07:00

Argazki xume eta are berba xumeagoen bidez, hona hemen aurreko guztiak omentzeko ekimena. Aitak erakutsi eustan Euskadi dala euskotarren aberria, eta erdi ezkutuan be ezagutu neban ikurrina. Gaur egun Gontzal Mendibilek garai batean aldarrikatzen eban " Euskadi sozialista" etorri jakun arren ( ironia ulertu, mesedez) euskaltasuna bazter batera eroan eta gure ezbardintasuna adierazteko aldarria isilarazi eta baretu gura dabe gobernuan dagozanek. Bueno, ba agian, oraintxe da guk burua ondo altxatuta eroateko eta herri hau bertan behera ez izteko unea. Bakotxak daki zer egin behar dauan.

Zorionak amama eta aitite guztiei

2009-07-27T04:00:00.000-07:00

Zapatuan ospatu genduan Zornotzan herriko amama eta aititeen eguna. Holakoetan, " herriko gazteekaz " alkartzen gara eta eurekaz batera ospatu hain egun garrantzitsua. Lerro honeekaz batera zorionik beroena aurtengo amama eta aititeri, eta ganerako guztiei be.

Ez ahaztu, izan zirelako gara....

Eskerrik asko , bihotz bihotzez

Danok Gorbeiara!

2009-06-26T01:16:00.000-07:00

Euzko Alderdi Jeltzaleak uztailaren 4an Gorbeia Ikurrinez janzteko deia egin dau. Nik animoak berotzeko gurean, aitak abestuten ebana ekarri gura dot gogora

Gorbeiako mendian
puntaren puntan
gurutze eder bat dago.

Handik Euskalerria
ikusten dogu
ederrago.

Erdu Miren.
Jarri hemen.
Zer dozu ikusten?

Euskalerri
habi txiki,
mendi ta baserri.

Aupa, mendigoizale gazte!
Gorbei mendira igon zaite!
Han egingo dogu irrintzi:
Gora!
Aurrera mutilak!

Trala-la-la...

Gaztelaniazko bertsinoa be badago. Hori, izeko Marialuisagaz abestuten eban.......... Horreek dira nire bizintzako urre gorrizko momentuak.
Falta barik, semeari irakatsi behar deutsot hau be.

Arantzak

2009-06-23T02:25:00.000-07:00

Gehiegitan gertatzen da unerik lasaienean, ezer berezirik espero ez danean , munduan gertatu ahal dan gauzarik txarrena, lotsagarriena, ankerrena gertatzea.
Hori izan zan lehengo bariku goizean lanerako autobusean nengoala gertatu zana. Errepidean izan zan auto istripua zalakoan , goiz erdian jakin neban pertsona bat erail ebela Arrigorriagan.
Beste arantza bat bihotzean
Orain arte bizi izan dodan aldian hainbat erailketa ezagutu dodaz. Ezin dot esan orain zenbaki zehatza baina buruak emongo baleust be , bihotzak milioika kontatuko leukez, milioika zenbatzen dodazalako bihotzean metatu jatazan arantzak, barikukoa azkena.

beldurgarria!

2009-05-22T02:14:00.001-07:00

Osasun sailburu barriak ikaratu egin nau eta ez da txantxetako gauza. Argi eta garbi esan dau euskara garrantzi gabeko gauzak gordetzeko kajoian sartuko dauala eta ideologiak alde batera itzi behar dirala .
Hori da Eusko Jaurlaritza barria eta hori da Lehendakari ponposo barriak aukeratu dauan jende modua

Gaurko deian bota dau hau:

"En las futuras OPE de Osakidetza, el euskera no tendrá el mismo rango de requisito que hasta ahora"

Zer etorriko da hurrengo? Etorriko da Celaá esaten euskara ikasgai gisa ikasiko dala ? Etorriko ete da barrio Franco eta bere lagunak?

Oso ondo Lopez, horixe da frentismorik gabeko gobernua. Joan zaitez eskolara eta gitxienez ikasi eizu hitzak daukan esanahia.....

kanpainan barriro

2009-05-20T01:29:00.000-07:00

Kanpaina barriaren atarian gagoz ofizialki, baina nire burua kanpainan sartu neban martxoaren 1eko hauteskunde ostekoa apurtxo bat baretu zanean ( aste betera edo...) Kontua da politikagintza gustuko dodala eta hauteskundeak deituta dagozala jakinik, neure burua bide horretan jartzen dot eta ahal dodan guztia emoten dot herri honen onerako. Hori da nik egin nahi dodan politika.
Baina, tira, barikuan hasten da kanpaina ofiziala eta horretarako prestatu behar doguz buruak , gorputzak,hankak, begiak,belarriak eta ahoa
Burua, egin behar doguna jakiteko; gorputza, egin beharrekoa egiteko; hankak etxerik etxe joateko; belarriak, herriak esan behar dauana entzuteko eta ahoa gure mezua zabaltzeko, Izaskun Bilbaoren mezua zabaltzeko hain zuzen.
Asko esan ahal da Izaskun Bilbaoren inguruan. Politikagintzan ibilbide luze eta sendoa egin dau eta soberan erakutsi izan dau ezeren ganetik herriaren alde lan egiteko prest dagoala. Bermeoko alkategai gaztea izan zan, zinegotzi arduratsua, legebiltzarkide ekintzailea eta Eusko Legebiltzarreko Lehendakari andere neurtua,malgua, prestua eta ez dakit zenbat gauza gehiago.
Baina, une honetan, zeozer gehiago esan gura dot nik Izaskun Bilbao Barandica pertsonaren eta emakumearen inguruan: Aurpegira begiratzen dau berba egiten dauenean eta jendeari entzun egiten deutso. Emakumea da eta gauza txikiek eta handiek dauken garrantzia ezagutzen dau. Horrez ganera, euskaldun peto eta landua da, urrats bakotxak dauan garrantzia ezagutzen dau eta helburu horregaz doa Europar Legebiltzarrera.
Oraingoan be, EAJ da hautagairik onena daukana, IBB ezin da ez kopiatu ez klonatu ez biderkatu.

askatasuna ? norena?

2009-05-18T02:09:00.000-07:00

http://www.erabili.com web gunetik atara dodana:

Nire birraitona ahalegindu zen seme-alabak ez zitezen itxi mandioan. Etxean euskaraz egitea debekatu zuen, espainolez ondo ikas zezaten", esan zuen Mayor Orejak joan den astean Bartzelonan emandako hitzaldi batean. Euskal Herriko politikariaren ustez, birraiton euskaldunaren erabaki horri esker lortu zuen Oreja beraren aitonak "euskara eta espainola naturaltasunez menderatzea". Familiaren adar horretako elebitasuna hortik aurrera eten zen, nonbait, Mayor Orejak ez du eta euskararik hitz egiten.

Harrigarria bai, baina horrek ez gaitu inor harritzen. Batzuk elebakartasun espainola inposatu gurean dabiltza . Hori da "askatasuna " euren hiztegian

Inork ezin dau Ibarretxe superatu!!!!!!!

2009-05-06T02:43:00.000-07:00

.......... gainditu esan deutsot nik eta " bai ama, gainditu" erantzun berak.

Zazpi urte bete barri ditu nire semeak eta ondo ezagutzen du orain arte izan duen Lehendakari bakarra. Pare bat aldiz begiratu ahal izan deutso hurbiletik eta hainbatetan telebistan, alderdiko ekintzetan eta bere amak behin eta berriz eskaini deutson diskurtsoan.

Jakina, berak ez dakiz zer moduzko gertakizunak izan diran eta uste dot ez dakiela oso ondo Lehendakaria izateak be zer esan gura dauan.
Gauza bat dau argi nire semeak, bere adinarekin nik neuk be inolako zalantzarik gabe pentsatzen nebana, aita zenak irakatsi eustan erdi izkutuan ( ez esan inori, eh......esaten eban) txapazko ikurriña zaharra erakusten eustan bitartean: Zer gara gu? Nor gara gu? Euskotarrak gara gu, berba horrek gordetzen dabezan inplikazino guztiekaz....

Lerro apal honeen bidez, agur beroa bidali gura deutsot askoren bihotzetan Lehendakaria izaten jarraituko dauanari. Eta horregaz batera, eskari xumea: mesedez, ez zaitez gehiegi urrundu......

adarra sikatu jat

2009-04-27T03:57:00.000-07:00

nire bizitzaren zuhaitzari
adar bat sikatu jakon atzo
albo batean egoan
ez zan handia, ez oso indartsua
isila
baina, sikatu egin da gaur

Ekaitza gau batez
tximistak jo eban eta makaldu egin zan
Orain, sikatu egin jat
jausi egin jat

Arbolari begiratuta
adar batzuk falta jakozala ikusten dot
batzuk handiagoak, besteak meheagoak
beti nabarmena itzi daben zuloa

Eta, honeen ondoan jaio dira kimuak
berde,gordin,samur,eder
hareek egin beharko dabe gora
adar sikuek itzitako lekuari esker
adar sikuek ondutako lurrari esker
eta hareen faltak eragindako malkoei esker

Zer egin?

2009-04-21T01:06:00.001-07:00

Zer egin behar dabe orain arabar euskaldunek?zer egin beharko geunke bizkaitar ,gipuzkoar eta ,mundu osoko euskaldunek?
Gaur goizeko kafesneagaz gosaldu dut oraindik irensteko daukadan gaileta. Arabako PP eta PSOE alderdiak alkartu egin dira Arabar Aldundian kentzeko euskara eskatzen dauan baldintza . Zur eta lur. Azalpen gisa esan dau PPkoak horrelako neurriek gaztelera baztertu egiten dabela eta guk gura doguna dala gaztelania desagertaraztea.
Ez naz sartuko adierazpena neurtzen eta baloratzen. Baina negargarria da eurek be dakiela hori gezur borobila dala.
Eta hori gaurko gosariko gaileta izan da, ea gure Patxik zer moduzko pastela prestatzen deuskun egosten darabilen eusko jaurlaritza horregaz.
Nire galdera: zer egin behar dogu euskaldunok? mutu geratuko gara?

erantzun gurean

2009-04-03T06:35:00.000-07:00

Nire izen ona zikintzen dabilen horrek
ospea zapaltzen
eta izanari zentzua lapurtzen
jakin beza
jakin dagiala
porlanezkoa nazela
amak haragizko egin ninduen arren
aitak altzairuzko bihurtu ninduela
meategiko burdina
goritan jarria
mailukadez gogortua
sendotua
eta berba honeek ulertuko ez daizan arren
jakin dagiala
jakin beza
are gogorrago egingo nazela
bere ahaleginari esker

Agur egun handira arte, Gorka

2009-03-20T11:49:00.000-07:00

Zer esan lagun bat joaten jakunean? Zer esan etxekoei? Zer esan emazteari eta seme-alabei?
Berbak pilotu egiten jataz birikietan, buruan,sabelean eta mihi puntan. Ezin dodaz ondo egokitu, ez behintzat nik gurako neukeen modura.
Joan egin jaku Gorka Agirre ,joan egin jaku burukidea,nagusia.... baina batez be laguna. Ez naz ni hasiko orain Alderdi barruan egin eban ibilbide garbia, zuzena eta zintzoa aipatzen. Halangoa izan zan arren, beste batzuen lana da horretaz berba egitea.
Nik, malko artean esan dodan gauza bakarra da zerurik egotekotan berak tokirik onena merezi dauala bertan.
Halangoetan abestuten dogun moduan:

joan jakuna hartuizu jauna
zu bizi zaren lekuan

Agur Gorka, agur egun handira arte

Lopezen eskutik..............

2009-03-10T04:50:00.000-07:00

Behatokia: "Euskararen ezagutza legez zigortu nahi du Nafarroako Gobernuak"

hauxe da bidean jatorkuna....

Ezberdinari bere balioa eta hazteko eta garatzeko espazioa emon beharrean, bardintasun egoerara eroan gura gaitue, bardintasun hori faltsua izango dan arren.
Lehendakari egiten daben unetik beretik, Lopezek aurkegian jarri dauan euskalzaletasun faltsuaren maskara jarriko dau eta benetako elebakar tinko eta arroa ikusiko dogu.

Beldurra...

2009-03-10T03:06:00.000-07:00

Beldurrak gogortu egiten gaitu. Azala harrizko egiten da eta odola bera be geldirik geratzen da zainetan . Beldurrak arnasa ondo hartzea be eragozten deusku. Baina, gatxa izaten da beldur hori kentzen, behin tripetan sartuta dagoenean. Ahalegin berezia egin behar izaten dogu eta horretarako ez da makala behar dan indarra.

Baina, beldurrik ez daukagunean, amildegia zeharkatzeko pausu seguruak emoteko prest gagoz. Lasaitasunez jantzita gagozanean, basapiztiz betetako oihan beltzean be ibiliko ginateke lasai asko, prestu, sendo, tinko...

Holan agertuten jataz orain EAJ, burukideak eta oraindik Lehendakaria dana be. Bai ondo! Sendotasun hori guztiz kutsakorra da eta oso osoan sinesten dot hori dala gizartean zabaldu beharreko sentimendua. Eta ez bakarrik Eusko jaurlaritza osatzeko gagozan une delikatu honeetan, baizik eta gure zorua desegin gurean dabilen lurrikara ekonomiko honeri aurre egiteko be.

Bariku santua!!!!!!!!!!!!!!!!!

2009-03-06T04:09:00.000-08:00

Heldu jaku barikua, benetako bariku santu bakarra. Ez naz orain lar ozen berba egiten hasiko ze batzuetan espero ez dana agertuten da azken momentuan ( eta egin behar dana egin behar da, ez dago zalantzarik horretan) baina beno, eguerdirako bidean gagoz eta ez dau emoten asteburuan behar handirik egin beharko dogunik.............ala bai?
Domekan emakume langilearen nazioarteko eguna dogu eta hori ospatzeko, Zornotzan XII. emakumeen merkatua jarriko dogu nekazal giroan eta itsaso inguruko lanetan jardun izan daben emakume euskaldunak omendu gurean.
Lerro honeetatik, eskerrik beroenak adierazo gura deutsedaz . Eurek erakutsi izan deuskue borondatean eta barruko indarrean dagoela gakoa, eta ez itxurakerian. Horrek be balio deusku orain bizi dogun momenturako. Bakotxak atara dagiezala bere kontuak!

fair play?

2009-03-05T03:41:00.000-08:00

Joko garbia berba erabiliko neuke nik eta hori da hain justu Lopezek erakusten ez dauana; eta ,ezer baino lehenago bere buruarekiko.
Gauza bat esan eta bestea egin. Arrotuta jabilku Patxi berbakaz eta gero ez da ausartzen hanka babestokitik ateratzen.
Nagusiaren baimenaren zain?eszenatokira urteteko beldurra? Aurkariari begietara begiratzeko beldur?
Hori al da etorriko jakun Lehendakaria? Ai jauna..............

Eta orain?

2009-03-03T03:42:00.000-08:00

Zain gagoz danok, osagilearen kontsultan egoten garen moduan. Batak besteari kontetan deutso mina non daukan ,medikuaren esana entzun baino lehenagoko beldurrak uxatzeko asmoagaz.
Bien bitartean, ohikoa dan moduan, gertatu ahal diran gauzak irudikatzen doguz. Nik behintzat, egoera okerrenak irudikatu ohi dodaz eta halakoetan egingo neukena erabakitzen dot. Orain be, hori egiten nabil.
Eta , kasu honetan be, okerrena gertatzen bada be, zutik egongo gara, sendo mantenduko gara eta gogotsu, egin behar diran gauza guztiei ekiteko.
Orain, inoiz baino gehiago.

martxoaren 2a heldu jaku

2009-03-02T02:49:00.001-08:00

Otsaila luze -laburraren ostean, heldu da martxoa bere lanbro, sirimiri eta "negutik urtetako eta udabarrian sartzeko " eguraldi arraro horregaz. Beno, eta heldu da be hauteskunde osteko eguna.
Azken asteotako lanaren ostean, eta batez be atzoko hauteskunde egunaren ostean , nik neure poztasuna adierazi gura dot.
Baina, gauza guztien ganetik, Zorionak emon gura deutsedaz Ibarretxeri,Urkulluri,Egibarreri,Bilbaori,Martinezeri .............- ez naz orain abizen guztiak emoten hasiko..........baina herri karguetan eta barne karguetan dagozan guztientzako zorion adierazpena da- egin daben lan paregabeagaitik.
Orain, beste lana geratzen da , eskuartean doguzan emaitzak ondo kudeatzea hain zuzen. Hori, goi mailako politika deritzon horretan sartzen da. Nik konfiantza osoa dot burukideengan eta lerro honeetatik, bakarrik geratzen jat nire laguntasun guztia eskaintzea.
Eta bereziki, Ibarretxe Lehendakariari eskertu gura deutsodaz barikuan kanpaina amaierako mitinean entzun neutsozan berbak, indartu egin daualako kaleko politikean dodan sinesmena eta fedea. Aurpegiak eta begiak dituen politikea, pertsonentzako politikea, ukimenezko politikea, gizartea osatzen daben pertsonentzako politikea.
Eskerrik asko horregaitik, bihotz-bihotzez.

Horrelako baten aurrean, ni berbarik barik geratzen naz

2009-02-27T03:58:00.000-08:00

Berbarik ez, hori da nik Lehendakaritzan gura dodan pertsona. Eutsi goiari Ibarretxe!
Orain, inoiz baino gehiago

Gu gara Euskalprise!!!!!!!!!!!!!!!!!!!!!!!!!!!

2009-02-21T11:51:00.000-08:00

berdin da? hori bai galdera

2009-02-20T04:39:00.000-08:00

HEMEN ETA HAN

2009-02-19T03:22:00.000-08:00

Edo hobeto esanda, hemendik eta handik...........edo hemendik ALA handik
Hauteskunde egitasmo baten onurak zabaltzerako orduan, gauza asko esan ahal dira . Ganera, seguru nago alderdi guztiek daukela borondaterik onena gizartearekiko. Ez naz ni hautagaien borondatea edo kualidadeak alderatzen hasiko. Urkulluri entzun neutson baten pertsona onak leku guztietan eta alderdi guztietan dagozala. Zalantzarik ez dago!
Baina, bai da garrantzitsua erabakiak hartzeko tokia. Horretan bai dago gakoa!.
PSOE eta PP alderdien egoitza nagusia Madrilen dago eta Madrilen pentzura bizi dira biak. Beraz, Madrilgo gobernuari zor deutsoe lehena, oraina eta etorkizuna.
Zer autogobernu da holangoek defendatuko dabena? Zer Euskadi?
Gure subiranotasunean, autogobernuan atzera egiterik ez badogu gura.......
orain, inoiz baino gehiago

karguagaz doan pertsona

2009-02-10T03:51:00.000-08:00

Ibarretxe Lehendakariari hainbatetan entzuteko aukera izan dot azkenaldi honetan eta esan dauzan gauzetatik batek egin deust eragin sakona.
Gaurko gizarte honetan, barruko bakea islatu behar da;baina lehenengo, barruko bake hori gure barru-barruan izan behar dogu, horretan sinistu behar dogu.
Egia borobila benetan!. Gehiegitan barruan daroaguzan ekaitzak eta burrunbadak ezkutatzen saiatzen garen arren, kanpora urteten dira eta ezin dogu ezer egin. Ez dabe ezertarako balio ganean jartzen doguzan maskarek, garden bilakatzen dira eta barrukoa erakusten dabe, ona izan zein txarra izan.
Barruko bakea adierazteko, barruko bakea izan behar da. Eta, horren erantzule, gu geu gara eta ez beste inor.
Eta zer ba barruko bake hori? Ibarretxeri begiratu eta erraza da asmatzen: gauzak ondo egiteko borondatea, kontra egiten dauanari kasu ez egitea eta begirada etorkizunean jartzea . Baina batez be, pertsonengan pentsatzea.

Egizu kanpaina!

2009-02-03T04:36:00.000-08:00

Politikaz jardun neban atzo gaueko hizketaldian. lagunak haritik tiratu besterik ez eban egin eta klaro, nik gitxi behar izaten dot nire inguruaren ganeko azterketa egiteko eta zalantzarik barik Ibarretxe aukerarik onena dala esateko.
Baina nire ohiko alkarrizketakideak kanpaina egiteko eskatu deust , konbentzitu behar dodala esan deust bere botoa Ibarretxeri ematea gura badot.
Gura? galdetu neutson. Ez da nik gura dodana, zuk gura dozuna baino...
Zer gura dozu zuk? zer behar dozu zuk?
Zuk gura dozuna , herri honen garapena, ongizatea, askatasuna, nortasuna, hurbiltasuna bada...
Zuk behar dozuna zure enpresarentzako proiekzioa bilatzen dauan taldea eta beti bi pausu aurrerago egongo dan gobernua bada, Ibarretxe da ZUK GURA DOZUNA
Baina klaro, beti madrilen atzean, beti madrilen pentzura, beti azpian egon gura badozu.... beste aukera batzuk daukazuz.

kanpainan.............

2009-01-29T07:22:00.000-08:00

Agerikoa da kanpainan gagozala eta erarik tristeenean konturatu be....
Teorian, hauteskunde kanpainan edo bestelako kanpaina batean be, nork bere produktua saldu behar dau, merkatuan dagozan guztien artean onena dala erakutsi behar dau, alde txarrak leundu eta onak azpimarratu eta goraipatu..............
Baina, keba! batzuentzat kanpaina da ondokoa zapaltzea, bere hutsuneak erakustea eta jakina, handitzea. Holan jarduten dabe batzuek beren ezgaitasuna ezkutatu ezinik, ondokoaren bikaintasuna jasanezin egiten jakenean.
Ondokoaren burua zapaltzea, norberarena ondo erakusteko.
Onena, garbiena eta eraginkorrena, zuzen jardutea.
Zer bilatzen dabe egunkari batzuek Urkullu eta Lehendakariaren arteko arrakala topetan dabenean? Zer bilatzen dau liburu baten egileak? liburuak saltzea. Eta, jakin badakigu, zenbat eta polemikoagoa izan................

zintzoa izan eta lan egin

2009-01-26T04:54:00.000-08:00

( argazkia eaj-pnvren web gunetik hartuta)

"apurtxo bat aspertu zala baina ondo pasatu ebala" aitortu eustan semeak Euskaldunatik urten ginanean. Nik bertan esandakoaz galdetu eta zera bota eustan " Lehendakariak esan dau zintzoak izateko eta lan egiteko"

Gehiagorik esan behar ete da? Urkulluri sarritan entzun deutsot ondo eta garbi jokatu behar dogula eta gure egite-ona erakutsi behar dogula.

Berba txikiak askotan izaten dira asmorik handienak eroaten dabezanak. Horreek dira herri honek behar dauzan gauzak: zintzotasuna eta lana, bakoitza bere alorrean

etorkizuna hemen dago

2009-01-23T06:21:00.000-08:00

etorkizuna hasi da gaur amorebietan
automotive centerren, lehendakariak jarri dau martxan etorkizuneko autoaren motorea

Zergatik isildu?

2009-01-22T02:53:00.000-08:00

Batzuetan, isilik bizi dan gizartean bizi gara.
Baina, bidebako, txar, gaizto eta kaltegarri jotzen doguzan gauzen aurrean, zergatik isildu?
Atzokoan, autobusaren zain nengoela, pertsona batek autoa aparkatu eban errotondan bertan. Pertsona askok ikusi eben hori txarto eginda dagoala, horrek arriskutan jartzen dauala zirkulazinoa. Inork ez eban ezer esan. Ezin isilik egon eta bota egin neutson hori ez zala aparketako tokia. Klaro, berari bost!
Bale, nire ekimen honek ez eban fruiturik emon. Autoa ez eban kendu berak pentsatu arte, bere zeregina egin arte.
Baina, hurrengoan be, nik esan egingo dot. Lehenengo aldia da gogorrena eta ez dot bidebakokeriaren aurrean isildu gura.
Modu berean, ez naz isilduko ETAren lotsabakokeriaren aurrean. Hiltzaile izateaz ganera, pertsona baten erailketa arrazoitzera ausartu da, eta, zelan ganera!
Ez dago mundu osoan, pertsona baten erailketa arrazoitzeko arrazoirik, ez dago. Ez Gazan, ez Palestinan, ez Kolonbian, AEBn, Hegoafrikan, Txinan , Istanbulen, Espainian...... ez Euskadin Euskal Herrian Euzkadin be
Ez dago pertsona baten bizia baino gauza handiagorik.
Atzo, isilik geratzea pentsatu neban, baina ezin.......

2009-01-22T01:49:00.001-08:00

Jakin eta Egin. Saber Hacer

2009-01-20T01:03:00.001-08:00

Gustuko dot Alderdiaren goiburu barria. Beno, egia esateko, hunkitu egiten nau, barruraino sartzen jat eta barriro be, nazen guztia helburu zehatz bat dauan Alderdiaren alde baina batez be Herri baten alde neure dana emoteko gurean jartzen nau.

Publizitate lanetan dabiltzanek bete betean jo dabe oraingo honetan. Aderdiaren gorputzari azalari itsatsita egon dan jantzia , kanpoan, agerian eroan beharreko ikur bihurtu dabe. Ondo eginda!

Gustuko dot ez soilik mezuagatik, itxuragatik ere jotzen dot egoki. Ez dago itzulpenik, ez dago mezua bikoizterik. Biak osogarriak eta banaezinak diralako, eta biak, herri honen hizkuntzak diralako.

Eta berba horreek daroen mezura bueltatuta, inoiz baino gehiago eta behin betiko, mezu hori zabaldu behar dogu. Egiten dakigu eta egin egiten dogu; baina, horrez ganera, egiten ikasi behar dogu, gehiago jakin , gehiago egin. Hori, amaibako bidea da , ezin da bestela izan.

Krisi garaietan ezin gara gelditu, albiste beldurgarriek ezin gaitue izoztu, gogortu, geldiazo. Une txarretan, pausua aurrerakoiagoa izan behar da, ausartagoa, handiagoa, arrisku handiagoz.

Barkatuko deustazue gaurko mezu honek " arenga politiko" itxura izatea. Goiburu barriaren eragina ete?

PP eta PSE,a ze parea....

2009-01-15T01:26:00.000-08:00

karakola eta barea esaten dau esaera zaharrak eta izenok be ondo egokitzen dira kasu honetara.
Agerikoa da hauteskundeak bidean dagozala eta hortxe gagoz danak, bakotxak lasterketarako tokirik onenaren bila. Zilegia eta egin beharrekoa,jakina.
Baina gauza batzuk, " naturaren kontrakoak dira", eta ni, inoren zaletasunak ,lagunak eta alkartzeak errespetatzen dodazan honek, hausnarketa bat egin gurako neuke espainiar alderdi bi honeek dabilzan balizko alkar-jokoan.
Zertan lotzen dira biak? zer dauke bardin? Esaten dabe aurkariek elkarrenganako modu bateko edo besteko erakargarritasuna daukela, baina zer ondorio on atara daiteke guztiz kontrakoak diran bi alkartzen diranean? Osogarriak dirala? On orokorraren alde batu egingo dirala?
Ezezko borobila esango neuke nik, batez be , orain arte ez dabelako inolako errespeturik erakutsi izan, berenak ez diran gauzekiko.
Egia da , pertsona bi edo talde bi alkartzeko arrazoirik onena dala biek etsai bera izatea eta argi dago EAJ dala ( eta ez ETA, hori harrigarria bada be ) bi honeen etsairik nagusiena.
Baina, arrazoi horregaz, " pegamento " horregaz, gauza onik urten ahal da alkartze horretatik?
Helburu onak urtenbide ona izateko aukera gehiago daukaz eta herri baten alde egiteko borondatea izateak helburu horreri laguntzen deutso. Baina, zer gertatzen da hasierako eta oinarrizko helburua , ondokoari kalte egitea danean? Ez ahaztu, horien bien helburua da EAJ zapaltzea, Euskaditik euren " apisonadora bardintzailea" sartzea eta euskaldun guztiak beren artaldean sartzea.

Web barriagaz dator ilusino barria

2009-01-12T03:17:00.001-08:00

Barkatuko deustazu, Eider, baina zure irudia jarri gura izan dot gaur , zapatuan bizi genduanaz idazteko. Kontua da egun horretan atara nebazan argazkietatik, hauxe dala nire berbakaz hobeto doana, zu zeu abertzalea, jeltzalea ,gaztea eta informatika erabiltzailea zarelako.

EAJ-PNVren web gune barria aurkeztu zan eta asko dago egiteko.

Gauza barri guztiekaz gertatzen dan moduan, panpina egina dago eta orain da jantziak egiteko ordua. Eta, horretara izan ginen deituak, panpin horreri jantziak egiteko aproposena herria dalako.

Esan beharrik ez dago amarauna tresna boteretsua dala gaur egun mezu bat gizartean zabaltzeko . Tresna hau ondo ezagutu behar dogu eta ondo erabiltzen jakin behar dogu. Alderdiak mezua dauka gizartean zabaltzeko eta bide bakarra ez dan arren, asko eta asko gara gaur egun honen bidez komunikatzen eta alkartzen garenok. Orduan, mezua zabaltzeko orduan, funtsezko tresna dogu.

Baina, gauza bat ekarri gura dodaz gogora, edo, agian bi..., hain zuzen be Urkulluk eta Ibarretxek zapatuko ekitaldian azpimarratu ebena. Lehenengoak azpimarratu eban mezua zabaltzeko orduan mantentzen dogun jarrerea, eta bat egiten dot oso osoan. Ez gaitezen alperreko aho berokerietan sartu, mantendu daigun beti jarrera ona eta baikorra, hori dalako gure izaera.

Bestetik,gaurkoa amaitu gurako geunke lehendakariak esandakoagaz: internet sarea tresna ezin hobea da, baina inoz ez dau ordezkatuko harreman pertsonala, ukimenezkoa, irribarrezkoa, hurbilekoa , aurpegiaz eta keinuez erakusten dana...

Guztion Lehendakaria

2009-01-09T05:15:00.000-08:00

Egunotan ahoan eta belarrian daroagun gaia da Lehendakariaren kontrako auzia eta arrazoi horregaitik, gehiegitan eritxi politikoa gordeta daroanak be bota gura dauz bere ikuspuntuak eta gaiaren ganean dauan eritxia.
Atzokoan, EAJgaz zerikusirik ez dauan pertsona batek, boto emoilea edo laguna ez dan batek esan eustan, auzia guztiona dan Lehendakariaren kontrakoa dala eta lotsagarria dala, berba egitea be auzitan jarri gura dalako ( horreek dira bere berbak)
GUZTION LEHENDAKARIA dago auzitan, hau da, Euskal Autonomi Erkidegoko bizilagun guztion ordezkaria.

Nire Lehendakaria auziperatua dan une honetan...

2009-01-08T00:41:00.000-08:00

...nago ni laguntasun eta indarrezko hauspoa bihurtzeko berbak eta esaldiak nire buruan borobiltzen.

Euskal Autonomi Erkidegoko Eusko Jaurlaritzaren Lehendakari jauna, auziperatua izan da berba erabili izan gura daualako Euskadirentzako BAKEA erdiesteko, eta berba da une honetan bertan auziperatua dana, ez bakarrik Ibarretxe Lehendakaria.

Pertsonari eta pertsona honek ordezkatzen dauanari bere balioa kendu barik ( inortxok ezin izango deutsolako inoiz kendu), hitza bera da epaile aurrera eroan dabena, eta horregaz batera dagoz hitz egiteko askatasuna , gauzak konpontzeko gogoa eta aurrera egiteko borondatea.

Imaginatu orduan hitza,askatasuna,gogoa eta borondatea. Hitzak ezin dau ezer esan, askatasunak eskuak lotuak ditu,gogoak hegalak ebakita eta borondatea hanka barik itzi dabe.

Auziperatu egin dabe hitza erabili izan dauana armari indarra kentzeko helburuarekin. Eta, orain, hitza erabili gura dot nik Lehendakari bat auziperatua izatera eroan dauan asmo okerrari aurre egin gura deutsodalako.

Batu daiguzan hitz guztiak eta honeek bat egin dagiela beldurrari, segurtasun faltari,bortxakeriari eta helburu oker guztiei bidea mozteko.