Larrosa

Bularrean larrosa

Arima airosa

Gorputz panpoxa

Nire neskatila doa

Kaletik

Primorosa

Zapia du buruan

Ubela besoan

Begietako malkoak uxatzen ditu

Kemena gogoan

Bularrean larrosa

Arima airosa

Hamaika orban ditu bai

Arima bakarra

Ezagutzendodalako

Ezagutzen dodalako.  

Emoten deust konfiantza. 

Erakutsi deustelako.

Esanekoa dalako. 

Aurpegi bakarra daualako. 

Dan moduan agertzen dalako. 

Mozorroei uko egin deutselako. 

Emoten deust konfiantza. 

Gorriak inguratzen gaituenean

Zuria

Itxaropenaren berdea dalako

Emoten deust konfiantza

Gorritik berderako bidean

Aulkitik altxatuko

Ez dalako

Emoten deust konfiantza

Ixo

Ohetik jagi orduko zoratzeraino eraman nauen hitz jarioari

Ixo!

Kafesnea mingostu didan berbeteari

Geldi!

Ene urrats guztiak neurtu nahi dizkidan zital horri

Nahiko!

Ezin......

Bihar berriz saiatu behar.

Azkena!

Errautsak harrotu zaizkit gaur,
hilak jagi,
mamuak piztu .
 Ilargi amandrek hartu du gaur Eguzkiren lekukoa.
Gaizto hori!
Berriro aitzurra hartu behar;
beste behin ere,
 lurrean
 zuloa egin behar.
Enegarrena da lur hezean sartzen naizena.
Azkena!

Eskapan neskatila

Begirada okerrez

Josia

Ondotik joan zait 

Neskatila

Atzo goizean egina, gaur gabaz heldua

Betiko joanda

Ule zuritik eskapan

Ihesi

Belardi freskoagotara

Azal finago

Buru beltzago

Oin arinago

Gihar tinkokago

Non ote?

Joan egin zait ondotik

Atso  zimurtu hau  utzirik

Zutaz , lagun

Lagun bat badut
Adiskidea
Penakidea
Pozkidea

Areatzan pasiatzen zebilela
Karramarro maltzurrak
Ezkerreko oinean
Koxk

Bizikidea dut
Lankidea
Karramarro zatarrak
Ene bihotzean
Kausk

Labana hartu dugu
Zuk hemen
Nik hor

Karramarro okerrari zast
Erpe doilorrari zist
Biziak bizi gaitu berriro
Heriok
Beste baterako utzi

Hoa!

Bihoakit bizitza bere tristurekin
Hoa!
Ihes egin diezadala
Behingoz

Betor isil, ilun, bare
Andratxu armaduna
Ilargiaren amandrea
Herio jaunaren emaztea

Zorroztarria prest
Sega
Xist
Xast
Ezer


Betorkit Ilargi
Zilarrezko murmurioa
Entzun dezadan kanpai hotsa
Senti dezadan bizirik
Bihotza