Lainoa jarri didazue bidean
Aurrean dudana nahastuta ager dakidan
Harriak sartu dizkidazue oinetakoetan
Aurrerako urrats bakoitzak min egin diezadan
Baina, ez didazue gogoa zimurtuko
Ezta arima belztuko
Ez dago tristurarik
Ez gorroto izpirik
Ernatzen dudan hazia
Barruko asmo bizi,arin eta sendoa delako
Lainoak urtzen lagunduko dit
Harriak,
Kotoi bihurtu
No hay comentarios:
Publicar un comentario