miércoles, 28 de noviembre de 2012

Malko baten bidaia

Ezkerreko bentrikuluan sortzen zaizkit niri malkoak
Sentimenduen sukaldetxoan
Jaio ta segidan, odol tanta baten gainean jartzen dira
Zainetako autobidean
Sabelalderako bidean
Zirrara
Gorantza gero
Bero
Gori

Ezik

Gauean
Eguzkia ostontzean,
Mundua joaten zait
Ibilian.

Ilunak hasten zaizkit
Inguruan dantzan,
Mamuak begi aurrean
Agerian,
Beltzuneak
Dir-direan.

Etor zaitez orduan,
Beltza zuria denean
Esku ahurretan jasoko dugu
Ilargien isuri;
Aurpegietan ageri
Sabelaren zurrunbiloa.

Gabaren erdian
Gezurrak egia direnean
Entzunezina esango dizut
Belarrira.
Egun argiak eramango ditu
Ilunpeko izerdiak,
Sekula gehiago
Etorriko ez direnak


Zuk ukitu gabe 
Laranja idorra
Mailuki mingotza
Arima hila.
 Begiok
 itsasargirik gabe
Zulo beltz.
Taket hauek
Ibili ezinera
Itzuliko dira
Betiko.


martes, 27 de noviembre de 2012

Ama

Amaren berotasunik ezean
Hotza da kumea bazterrean
Bero manten nazala bihotzak
Izotza urtzerik  dezadan

 Amaren laztanik ezean
Legorra da txikia seaskan
Leun izan nazala larruak
TxikiaK maite ditzadan 

Amaren bizitza ezik
Umea hauspo barik
Eman diezadala biziak arnasa
Ene kutuna bizi dadin


viernes, 19 de octubre de 2012

Larrosa

Bularrean larrosa
Arima airosa
Gorputz panpoxa

Nire neskatila doa
Kaletik
Primorosa

Zapia du buruan
Ubela besoan
Begietako malkoak uxatzen ditu
Kemena gogoan

Bularrean larrosa
Arima airosa
Hamaika orban ditu bai
Arima bakarra


miércoles, 10 de octubre de 2012

Ezagutzendodalako

Ezagutzen dodalako.  
Emoten deust konfiantza. 
Erakutsi deustelako.
Esanekoa dalako. 
Aurpegi bakarra daualako. 
Dan moduan agertzen dalako. 
Mozorroei uko egin deutselako. 

Emoten deust konfiantza. 

Gorriak inguratzen gaituenean
Zuria
Itxaropenaren berdea dalako

Emoten deust konfiantza

Gorritik berderako bidean
Aulkitik altxatuko
Ez dalako

Emoten deust konfiantza

martes, 2 de octubre de 2012

Ixo

Ohetik jagi orduko zoratzeraino eraman nauen hitz jarioari
Ixo!
Kafesnea mingostu didan berbeteari
Geldi!
Ene urrats guztiak neurtu nahi dizkidan zital horri
Nahiko!

Ezin......
Bihar berriz saiatu behar.

jueves, 20 de septiembre de 2012

Azkena!

Errautsak harrotu zaizkit gaur,
hilak jagi,
mamuak piztu .
 Ilargi amandrek hartu du gaur Eguzkiren lekukoa.
Gaizto hori!
Berriro aitzurra hartu behar;
beste behin ere,
 lurrean
 zuloa egin behar.
Enegarrena da lur hezean sartzen naizena.
Azkena!

lunes, 10 de septiembre de 2012

Eskapan neskatila

Begirada okerrez
Josia
Ondotik joan zait 
Neskatila

Atzo goizean egina, gaur gabaz heldua
Betiko joanda
Ule zuritik eskapan
Ihesi
Belardi freskoagotara
Azal finago
Buru beltzago
Oin arinago
Gihar tinkokago
Non ote?

Joan egin zait ondotik
Atso  zimurtu hau  utzirik

viernes, 27 de julio de 2012

Zutaz , lagun

Lagun bat badut
Adiskidea
Penakidea
Pozkidea

Areatzan pasiatzen zebilela
Karramarro maltzurrak
Ezkerreko oinean
Koxk

Bizikidea dut
Lankidea
Karramarro zatarrak
Ene bihotzean
Kausk

Labana hartu dugu
Zuk hemen
Nik hor

Karramarro okerrari zast
Erpe doilorrari zist
Biziak bizi gaitu berriro
Heriok
Beste baterako utzi

jueves, 26 de julio de 2012

Hoa!

Bihoakit bizitza bere tristurekin
Hoa!
Ihes egin diezadala
Behingoz

Betor isil, ilun, bare
Andratxu armaduna
Ilargiaren amandrea
Herio jaunaren emaztea

Zorroztarria prest
Sega
Xist
Xast
Ezer


Betorkit Ilargi
Zilarrezko murmurioa
Entzun dezadan kanpai hotsa
Senti dezadan bizirik
Bihotza

martes, 17 de julio de 2012

Etor bitez herio txoriak

Etor bitez txoriak
nire begiak jatera.
Hurbil bekit saia
ene erraiak askatzera.

Oin azpian duzuen lur umel honen azpian nauzue
Isilik
Ez gor
Mutu
Baina ez itsu


Hilotz bihur natzaizue
Gorpu
Zendu
Gogor

Ez iezazkidazue lorerik jar
Ez bainago
Bizirik

miércoles, 11 de julio de 2012

Klink.....zeruko atean

Ezer
Deus
Isil
Huts
Infernu

Ustekabean
Klink
Taup
Kaixo ama!
Zerua

Gabaz izartu nintzan

Bart goizean izartu nintzan
Ohera altxatu ostean
Gozari mingotsa
Gozoki gazia
Ama maltzurra
Etsai begikoa

Eguzki beltza
Ilargi gorria
Edur gainera joan ginan
Eguzkitan jartzera

Ongia ezkutatzen dugun garaian
Maltzurrak gobernatzen gaitu
Zeruak gaitu zoru azpian
Deabruari otoi egin bitartean

Gaur gauean izartu naiz
Ohe azpian lo egin aurretik.
Igo gaitezen beherantza,
Eman diezaiogun honi
Buelta

Atzo goizean oheratu nintzan
Gorrotoaren hankei helduta
Buruz behera bizi gaitezen
Zuzenari eman diezaiogun
Bihurria

martes, 10 de julio de 2012

Bitxia ba da ere.....

...beldurra ematen dit oporrak,
Itogurea bakardadeak,
Samina maitasunak.
Arraro emango duen arren,
Tristurak bizitzen nau.
Iluntasunak argitu.
Heriotzak piztu.

viernes, 6 de julio de 2012

.....in

Min
Samin
Bortitz sentitzen zaitut
Aitzin


jueves, 5 de abril de 2012

jueves, 5 de enero de 2012

Erregeak datoz!!!

Trakatan, trakatan
hiru errege,
trakatan, trakatan,
Belenera,
Belenen jaio den
Jesus haurtxoa
trakatan, trakatan
agurtzera.

Meltxorrek, trakatan,
zaldia beltza,
Gasparrek trakatan,
zaldi gorri,
trakatan, trakatan,
Baltasar zaharrak
zaldia, trakatan,
zuri-zuri.

martes, 3 de enero de 2012

Joan da gure Pepe

Aldi baterako etorri jakuna
joan egin jaku gaur , betiko
Apurtxoa laguntzen hurreratu zana
bere osotasuna itzi deusku .

Irribarre bat gehiago eskatzeko
adiskidetasun keinuak ahalegin berriak exijitzeko...

Aldi baterako etorri jakun,
betiko geratu zan.
Apur batean ikusi genduan,
Bizitza osorako ezagutu dogu.

Agur Pepe
Adeu
Eskerrik Asko
Moltes Gràcies
Se ha producido un error en este gadget.